【阅读美文·分享心情·感悟人生·www.mwenting.com】
当前位置 : > 情感故事 > 经典文章 > 正文

粤语俗语:姣婆遇着脂粉客

作者:admin
来源:未知 时间:2022-04-15 18:56 阅读:0次   我要投稿   作品点评

 饮食男女,话题几多,唔理当中有冇夹杂粗口,广州话都好容易冠以“咸湿”来形容。但系,正如高士大隐陶渊明所讲嘅:智者见山,山如画;仁者见水,水无涯。后世引申一句:仁者见仁,淫者见淫。所谓“猴子装人相,各花入各眼”,是非在人心啦。

 
 
 
方言俗语涉及两性之事,并唔系得一种颜色——很黄很暴力噶,特别系粤语俗语,唔系得个俗字,而系相当有内涵,相当有意思嘎。
 
 
 
 
 
 
 
    比如话,呢一句——姣婆遇着脂粉客(或者讲:姣婆遇上脂粉客、姣婆碰着脂粉客、姣婆撞啱脂粉客),老广州就肯定知道咩意思。后生一啲嘅,睇过港产片《志明与春娇》之后,都会阴阴嘴笑,心领神会之余赞一句——粤语确实系“盏鬼”、“抵死”!
 
 
 
呢句粤语俗语表达嘅意思系非常直观、十分形象嘎。表面意思系话:一个爱漂亮爱到不要脸的、脸皮特厚的女人,正好碰见一个懂得“欣赏”她的男人?啱啲唔啱啲,唔完全系噉啦。
 
 
 
 
 
 
 
首先,姣婆,个“姣”字,好似“娇”字但唔系娇,指嘅系“骚婆”,放荡嘅女人。脂粉客指“嫖客”,油头粉面嘅好色之徒。脂粉客就系妓院嘅常客,全身沾满女性脂粉,即系广州人口头常日讲嘅“沾满晒啲女人头发、香水,一阵女人除”。“姣婆遇着脂粉客”,就系话,豪放女遇上老嫖客,骚婆娘遇上急色鬼,骚娘们碰上大色狼,渣滓男配上风尘女。呢个系咩画风啊?可以想象啦,女嘅,香艳,豪放,发骚发浪,姣尸顿笃;男嘅,猥琐,卑贱,淫荡下流。
 
 
 
若然两个风骚入骨嘅货(骚货)走埋一齐,你话啦,唔通会系柳下惠——坐怀不乱咩?唔使讲肯定系色心大动,一挞就着,意识下流,手法更下流嘎啦。用最粗俗嘅解释,就系老广东老风月所描述嘅“姣婆遇上脂粉客,痕閪碰着打硬鸠”,“裤裆藏蕾,桃花眼仰月唇”,“一点就着,你情我愿”,狗男女、奸夫淫妇噉解啦。
 
 
 
 
 
 
 
所以,姣婆同脂粉客,都系受世人鄙视嘅贱人;“姣婆遇着脂粉客”,意思就系,两人彼此都系放荡爱玩、阅人无数、经历更多阅历更丰富嘅风月老手,当姣婆遇到脂粉客,就等于一拍即合咯。呢个系贬义用法。同时,仲带有各取所需、嗰挺夹嗰挺臭味相投,再衰再坏,都有人受落。两样唔好嘅嘢,却偏偏彼此好合得来,合晒河车。
 
 
 
讲开又讲啦,当初嗰部好有争议嘅电影上映之后,观众横向思维犀利,“志明与春娇”好快就约定俗成噉样,演变成一句俗语,暗喻爱情中嘅善男信女,系滚滚红尘当中嘅俗人故事。呢种电影,好多人相当排斥,话系电影中嘅异类,教坏细路,可以话系最具港风、最唔正经嘅香港爱情电影,一大堆黄色嘢(荤段子),露骨嘅台词,市井气息浓厚充满港味,粤语嘅独特性无法翻译原意,方言本身就系自带感情、自带风味噶。当然嘞,剧中人,都不过系饮食男女,绝对唔系咩寡欲嘅圣人、贞洁嘅烈女。确切来讲就系新潮、豪放,言行上讲性唔讲爱,原始欲望,跟两性之间相爱相惜守身如玉嘅纯洁恋情冇乜关系。

阅读感言

所有关于粤语俗语:姣婆遇着脂粉客的感言