【阅读美文·分享心情·感悟人生·www.mwenting.com】
当前位置 : > 心情日记 > 快乐日记 > 正文

同浪漫有仇嘅男人

作者:admin
来源:未知 时间:2021-10-25 12:49 阅读:0次   我要投稿   作品点评

  有男同胞调侃女人话:“男人不坏,女人不爱,女人就系钟意渣男,注定要死喺渣男手上。”

 
 
 
    佢老婆听咗,即刻补充一句话:“唔怕神一样嘅对手,就怕猪一样嘅队友,女人最怕系嫁畀一个猪脑袋嘅老公咯,牛皮灯笼点极唔明,仲要死鸡撑饭盖。”
 
 
 
    佢哋两公婆响度耍花枪,你一言我一语驳火,女嘅嗔怪男人唔开窍,男嘅耻笑女人太矫情。
 
 
 
 
 
 
 
    呵呵,嘈乜鬼嘢呢。乜你哋唔知,大多数嘅中国男人都系同浪漫有仇嘎啦。不解风情,不懂温柔,就系佢哋嘅共同特征,不嬲都系噉样嘎啦。
 
 
 
    女人享受被人氹。坏男人识得浪漫嘛,坏男人会讲女人钟意听嘅甜言蜜语嘛,肯定容易得手、容易上钩嘎啦。电影里面最熟悉嘅桥段,女主角听到门铃响,开门先睇到一大束鲜花,然之后先至出现男主角深情嘅笑容和眼神。呢种“完美”浪漫,好多时却系现实当中嘅“无事献殷勤,非奸则盗”嘅把戏啊,阴功。
 
 
 
 
 
 
 
    社会共识,老实,木讷,就被认为靠谱,有安全感,噉就够嘎啦,仲想佢哋点嘛?古时候嗰啲“何当共剪西窗烛,却话巴山夜雨时”,“东篱把酒黄昏后,有暗香盈袖”咁有生活情趣嘅,才子佳人你侬我侬嘅场景啊,全凭想象,都系旧阵时,作为现代人嘅你,别想太多!
 
 
 
    唔记得嗰只歌嘅歌词咩?“男人的肩膀扛不住女人的浪漫”,浪漫就系男人嘅致命伤。你叫佢陪你行沙滩浪漫下,佢就好快抛低你一个人独自“慢慢浪”。你叫佢陪你行街浪漫下,佢又好快闪人留返你一个人独自“慢慢浪”。
 
 
 
 
 
 
 
    天性如此啊,你想寄望佢将买烟草和啤酒嘅钱,用来买玫瑰和香水送畀你?哼哼哼,可以嘅话,你倒不如叫佢折现仲快啲,100朵玫瑰喔,倒不如叫佢发100蚊红包过你啦。其实,惗深一层,玫瑰花同椰菜花、西蓝花,都系差不多嘅啫,都系真心实意嘅,关键系接地气、烟火气嘛。
 
 
 
  你要男人嗌你宝贝,佢会起晒鸡皮。你叫佢买呢样买嗰样,佢目无表情,无动于衷。因为谈感情伤钱咯。中国男人总系活得好沉重,佢哋将责任、义务看得太重,觉得肩上担子好重,觉得自己要活得有人样,对身外之物嘅追求永远孜孜以求,所以累,身累,心更累,根本浪漫不起来。甜言蜜语唔会讲,多数嘅爷们,都系一就一,二就二,未食饭就话肚饿,冇胃口就话悭翻唔好嘥米饭。
 
 
 
 
 
 
 
    而女人,一直都喺度恨,恨几时可以浪漫一下,老公畀啲惊喜自己。因为现实无趣,所以就性幻想,内心都期待有一个坏男人带畀佢一段灿烂嘅爱情,梦想有个坏男人每日喺佢耳边呢喃:宝贝,我爱你。哪怕那句“我爱你”系廉价嘅,嗰个男人对住每个女人都系噉样讲嘅。

阅读感言

所有关于同浪漫有仇嘅男人的感言