【阅读美文·分享心情·感悟人生·www.mwenting.com】
当前位置 : > 心情日记 > 快乐日记 > 正文

老爷车变新车

作者:admin
来源:未知 时间:2021-10-25 12:45 阅读:0次   我要投稿   作品点评

   好多同龄人感叹:后生嗰阵时搏命揾钱,老来就掉翻转揾钱搏命。

  系嘎,系嘎,冇病冇痛,少去医院,就淡淡定有钱剩,有乜头晕身庆伤风凉热,受苦受累不说,还等于频频烧钱。若然唔好彩得咗重病,更加系大把大把噉烧钱。
  自然规律,生理衰老,人人都要面对。年纪大,机器残,螺丝松啊。养生要紧啊,老爷车唔保养嘅话,就要入厂大修,或者直接报废嘎啦。
  
  身体僵硬到近似木桩,手脚巢皮好似树皮。眼大无神,鼻大吸尘。踎低企高见头晕,疴尿腾腾震。身体在走下坡路,腰酸背痛头晕眼花系常态,身体状态一日不如一日,时不我待,时不再来,仲唔旳起心肝,醒醒定定,勤力啲锻炼身体?新车都要保养啦,何况摇甩螺丝嘅老爷车?
  边个话,老爷车唔可以上路嘎?人哋有啲老婆婆,八十岁仲可以连续做十几个引体向上呢,有啲老太公年近八十,行路仲健步如飞。我嘅身体都几残嘎,以前年轻牙嚓嚓,懒得做运动,常日畀个仔话我:“妈妈,你乜嘢都勤力,最懒就系做运动。”系咯,系咯,我深刻检讨,面壁思过,从今之后,洗心革面,重新做人,唔好咁师爷,下下以为攞个拖把拖下地,家务劳动出一身汗就算运动,今匀改正哈,坚持散步,坚持做体操,拉伸放松。
  
  知啦,知啦,要好好锻炼。我哋齐齐努力!加油!共勉!你又唔好偷懒嘞喂,要坚持不懈,要持之以恒,身体系革命嘅本钱,我哋要向毛主席嘅《论持久战》精神学习,锲而不舍,金石可镂!只要有恒心,铁杵磨成针!
  流水不腐,户枢不蠹。生命在于运动。相信自己吧,加啲机油,加啲润滑油,祛除啲锈斑,清除啲污垢,老爷车亦都会变新车嘎!!
  
  作者简介:王小女子,一个从小就热爱文学和音乐的小女子,个人公众号:王小女子(gh-9abf8a3205fe)。

    阅读感言

    所有关于老爷车变新车的感言