【阅读美文·分享心情·感悟人生·www.mwenting.com】
当前位置 : > 散文随笔 > 散文精选 > 正文

嗰啲搞笑广州话口头禅

作者:admin
来源:未知 时间:2021-09-14 13:52 阅读:0次   我要投稿   作品点评
1、中间分界,心理变态。
 
(呵呵,梳头梳成咩发型,唔通真系能够反映一个人嘅性格?头发中分就等于心理唔正常?问下啲广州佬,原来话,以前啲汉奸就系典型噉嘅形象啦,卖国贼味道浓厚喔。)
 
     
 
2、痴痴呆呆坐埋一台,戆戆居居围埋一堆。
 
(呵呵,痴呆亦好,戆居亦好,呢个世界你唔笨,人哋都唔傻。做人嘅嘢,通常都系你笑下人哋,人哋又笑下你。耻笑人哋嘅同时,自嘲嘅时候更多。人与人之间,天才与白痴其实好多时只系一线之差啧,人与人之间,咩缘分啊,咩人缘啊,其实就系嗰挺夹嗰挺,物以类聚人以群分,坐得埋一齐嘅,围得埋一堆嘅,都系同一类人啦。)
 
 
 
 
 
 
 
3、你对佢如珠如宝,佢当你咸鱼水草。你对佢甜甜蜜蜜,佢当你无厘头贼。我对你痴心一片,你当我痴鬼咗线。
 
(呵呵,我本将心向明月,奈何明月照沟渠。知我者谓我心忧,不知我者谓我何求。你对某人有心,对方却无意。呢个世界往往就系咁无奈咁讽刺嘎啦。勉强冇幸福,对感情千祈唔好太执着,唔系你嘅菜,就无谓夹硬来。)
 
 
 
4、拖拖拉拉实食斋,扭扭另另正乸型。
 
   (呵呵,做人做事要够果断,一就一,二就二;黑就黑,白就白;死就死,生就生。拖泥带水、不干脆,做不成事嘅。做事唔成,挣唔到钱,斋都冇得你食啊,乜你以为而家啲斋菜、素食唔使钱啊?分分钟仲贵过二师兄啲肉啊。男人老狗要有个格,有型有款,千祈唔好扭扭捏捏,好似女人型噉样,冇啲男子气概,噉就该煨啰。)
 
 
 
 
 
 
 
5、唔系衰多口,点会咁出丑。
 
  (呵呵,好多时,唔出声冇人话你系哑嘅。是非只因多开口,烦恼皆因强出头。衰多口,搞到人哋尴尬落唔到台,搞到自己好瘀收唔到科,你话几无谓呢?管下自己把口,咩得罪人多,称呼人少啦。不嬲都系:病从口入,祸从口出。言多必失,行多必过。口贱得人憎,力贱得人敬。雄辩是银,沉默是金。箴言啊。)
 
 
 
6、二趾长过公,唔死都一世穷。钱唔系问题,问题系冇钱。
 
  (呵呵,边个话嘎?呢句说话系冇咩根据嘅,迷信乱咁噏嘅啧。应该系“二趾长过公,唔使一世穷”先至啱!现实生活当中,不知几多二趾长过公嘅仁兄,个兜度大把钱啊,真系有眼不识泰山嘞喂。人不可貌相,水不可斗量吖嘛。钱唔系万能嘅,但系冇钱就万万不能。个个都知啦,讲到问题,钱边系问题啧,问题系冇钱啧嘛,好多时,能够用钱解决嘅问题就唔系问题啦,如果有钱在手,好多问题根本唔系问题!)
 
 
 
 
 
 
 
7、唔赌唔知时运高,唔滚唔知身体好。赢就赢粒糖,输就输间厂。搏一搏,单车变摩托,又再搏多搏,摩托变饭壳。
 
   (呵呵,唔赌唔心熄。赌场又好,赌台又好,唔怕你赢,最怕你唔来。有赌未为输,输少少当赢。十亿人民九亿赌,还有一亿在炒股?脚踏实地做事,一心一意工作太难咯,总系希望一夜暴富唔使捱穷,就系绝对唔会惗到“一夜回到解放前”嘅嗰个系自己。赌徒心态,净系惗住挣大钱挣快钱,好快发达,“终须有日龙穿凤”,就系绝对唔会惗住“裤穿窿”嗰个系自己。赌仔冇兴,如果赌钱发达,人人都唔肯做嘢啦。)

阅读感言

所有关于嗰啲搞笑广州话口头禅的感言