【阅读美文·分享心情·感悟人生·www.mwenting.com】
当前位置 : > 散文随笔 > 散文精选 > 正文

广州话:八月十五

作者:admin
来源:未知 时间:2021-09-14 12:59 阅读:0次   我要投稿   作品点评

中秋佳节快到嘞。讲到中秋,广东人口头上通常都话“八月十五”噶。冇错,八月十五即系中秋节咯。

 
 
 
 
每年嘅农历八月十五,系我国嘅传统节日中秋节。“月到中秋分外明”,“月是故乡明”,中秋节喺民间系非常重要嘅,中秋节与春节、清明节、端午节,系中华民族嘅四大传统节日。
 
 
 
 
 
 
 
点解叫“中秋”?“中秋”一词,最早出现喺汉代。据史籍记载,古代帝王祭月嘅节期为农历八月十五,时日恰逢三秋之半,故名“中秋节”;又因为呢个节日在秋季八月,故又称“秋节”、“八月节”、“八月会”、“中秋节”;又有祈求团圆嘅信仰和相关习俗活动,故亦称“团圆节”、“女儿节”。因中秋节嘅主要活动都是围绕“月”进行嘅,所以又俗称“月节”、“月夕”、“追月节”、“玩月节”、“拜月节”;在唐朝,中秋节仲被称为“端正月”添,好多唔同嘅称谓一箩箩嘎。
 
 
 
 
 
 
 
中秋节几时最受重视?中秋节嘅盛行始于宋朝,至明清时,已经与元旦齐名嘎啦,成为我国嘅主要节日之一。关于中秋节嘅起源,大致有三种讲法:起源于古代对月嘅崇拜、月下歌舞觅偶嘅习俗,古代秋报拜土地神嘅遗俗。总的来讲,系同月下赏月之人嘅服饰(汉服)有关噶。关于中秋嘅诗词歌赋,流传至今嘅更加系数不胜数,“海上生明月,天涯共此时”,“但愿人长久,千里共婵娟”等优美诗句寄托咗人们嘅美好祝愿,传诵千古,历久弥新。
 
 
 
 
 
 
 
一直以来,中秋节喺民众心目中,都系象征万家团圆、美满幸福嘅节日,中秋节以月之圆兆人之团圆,为寄托思念故乡,思念亲人之情,祈盼丰收、幸福,成为丰富多彩、弥足珍贵嘅文化遗产。所以,非常之重要。为传承民族文化,增强民族凝聚力,中秋节从2008年起被国务院列为国家法定节假日。国家非常重视非物质文化遗产嘅保护,2006年5月20日,中秋节经国务院批准列入第一批国家级非物质文化遗产名录。此举非常切合民意,深得民心嘎。
 
 
 
 
 
 
 
广东人对八月十五一向好有情结。现代人生活节奏快,压力爆灯。到咗八月,一年过咗一半有多嘞,就梗系好想应节放松一下,同屋企人、同亲友共叙天伦,和乐融融啦。你问而家啲新一代百厌星,八月十五有咩节目啊?佢哋会开心到飞起答得好快脆:“烧烤啰!十四十五十六,迎月赏月追月,连续三晚都搞烧烤,爽死啰!”系嘎,老老嫩嫩成班人围埋个烧烤炉,你叉鸡翼,我叉香肠,间中叹番碗鸡粥或者海鲜粥,噉样搞搞震,梗系好有气氛好温馨好盏啦!
 
 
 
 
 
 
 
八月十五嗰晚,除咗赏月,真系太多嘢食嘞。因为要祭月、拜祖先,当日下昼,各家各户家里就摆台设祭,置祖先神主牌,献上各色供品。祭毕,将啲祭品逐样烹调,合家欢聚共进一次丰盛嘅晚餐。晚黑,明月初上,摆上台嘅,香蕉、提子、沙田柚、柿子好多种水果,仲有菱角、花生,数都数唔晒,南方人仲喜欢用紫苏炒田螺,一只只放嘴边嗍,味道认真冇得顶嘞,齿颊留香啊。广东潮汕各地同好多地方都有中秋食芋头嘅习惯,潮汕有俗谚:“河溪对嘴,芋仔食到”。八月间,正是芋头嘅收成时节,农民都习惯用芋头来祭拜祖先。

阅读感言

所有关于广州话:八月十五的感言