【阅读美文·分享心情·感悟人生·www.mwenting.com】
当前位置 : > 散文随笔 > 散文精选 > 正文

广州话:姣婆守唔到寡

作者:admin
来源:未知 时间:2021-09-14 12:40 阅读:0次   我要投稿   作品点评

   粤语俗语当中,重男轻女嘅历史痕迹亦都好明显。比如话:形容人风骚、淫荡,男嘅顶多系话“麻甩”、“咸湿”、“山鸡”嘅啫,女嘅呢,就绝嘞,一个“姣”字,概括起来,就要几下贱有几下贱,要几下流有几下流,要几无耻有几无耻。

 
 
 
    闹人“姣婆”、“姣尸遁笃”,就系骂人哋系“荡妇”,语气鄙视,态度激烈,言辞刻薄,真系损到绝、踩到尽嘎,相关嘅歇后语就有:“姣婆坐定——淫贱不能移”,“姣婆守寡——忍得几耐”,“法老王个妹——发老姣”(形容老来俏、老不正经),“姣婆遇着脂粉客——一挞就着,一拍即合”(形容臭味相投)。
 
 
 
 
 
 
 
 
 
    广州话里面,相对来讲,有关“姣”字嘅俗语,“姣婆守唔到寡”呢句应用好多。意思就是“姣婆守不住寡”,呢度嘅“姣”解释为“淫荡”,“姣婆”就系“荡妇”,整句可解释为“荡妇不能守寡”。守寡嘅意思,系话一个女嘅,夫婿归西嘞,而此女不再嫁畀第二个,噉就意味着佢不再有性生活嘞。
 
 
 
    好明显,风骚放荡嘅女人系好难做到安分守寡嘅,原因不言自明。本身,生活作风唔检点、男女关系暧昧不清嘅淫荡之人,佢就好容易红杏出墙,专门炮制绿帽畀个老公戴嘎啦,老公在生都可能出轨同人哋有路,何况家中男人过身唔响度呢,呢个,就系市井民众所讲嘅嗰种,“冇咗男人唔掂”嘅女人,唔单止系话经济上依靠男人,更加系指生理上需要男人。呢类女人唔知道同房嘅滋味,或者可能唔会非常眷恋男人。一旦佢知道咗或者系有过同男人交媾嘅体验和滋味之后,佢就一发不可收拾,索求无度,好难经得起诱惑和考验,想入非非就忍唔住要搞三搞四嘎啦。所以话呢,心痒难耐、内心淫荡嘅人系守唔到寡嘅,佢根本都守唔住自己。
 
 
 
 
 
 
 
 
 
   “姣婆守唔到寡”,呢句俗语,又称“姣婆点守寡”、“姣婆难守寡”、“姣婆守咩寡”。引申开来嘅意思,就系形容为人处事没有坚持原则和底线,或者系中途变节、中途变卦。
 
 
 
    相对“守寡”而言,“守生寡”(即“守活寡”)就有啲违背人性嘞,应另当别论。“守生寡”嘅意思,就系指有老公嘅女人因为各种原因无性生活,称之为守活寡。
 
 
 
 
 
 
 
 
 
    点解一个女人空有妻子嘅名份,却没有实际、正常嘅夫妻生活?如果系已婚妇女嘅丈夫长期外出打工拼事业,又或者系身体残疾等原因,噉样系可以理解嘅。但系如果系因为婚姻冷暴力,两个人根本失去咗正常夫妻嘅快乐甜蜜,个老公根本唔同你瞓觉、根本唔掂你,呢种情况就表示已经出现婚姻危机嘞,等于系无视你、鄙弃你,专登羞辱你、折磨你,呢种“守生寡”模式就相当不幸嘞。除却两地分居同身体缺陷等方面嘅因素,“守生寡”就系有名无实嘅婚姻,好容易导致无法忍受冷暴力嘅一方直接提出离婚,而且合情合理。知道真相嘅朋友都唔应该嘲笑讥讽,应该表示理解和同情至啱。

阅读感言

所有关于广州话:姣婆守唔到寡的感言